Диета со јајца

0
133

По завршувањето на празниците вообичаено добиваме по некој килограм повеќе, па веројатно сите веќе размислувате за диета. Еве како можете најдобро да ги искористите велигденските јајца.

Диетата со јајца се држи шест дена или пак двапати по шест дена, односно само дванаесет дена. Слабеењето е индивидуално, но во просек се губат по 3 до 4 килограми. За време на диетата треба да се консумира големо количество на течности, природно цедени сокови и вода. Дневната доза на течности кои треба да се испијат е 2 до 2, 5 литри. За време на ручекот дозволена е чаша бело или црвено вино.

Појадокот и ужината се за сите денови исти.

Појадок – Овошен јогурт. Подобро е ако сами може да го подготвите. За тоа е потребно ацедофилен јогурт (половина литар) и сезонско овошје по желба.

Ужина– Ужината се состои од природно цеден сок од јаболка, морков и грејпфрут, 2 до 3 чаши.

Прв ден.

Ручек – 3 варени јајца, марула, младо кромитче, маслиново масло, маслинки.

Состојките се мешаат и белковините се сосема доволни за да го заситат организмот. На крај од ручекот може да се напиете бистра супа.

Вечера – 2 варени јајца, шопска салата.

Втор ден.

Ручек – Спанаќ се динста со маслиново масло, кромид, лук, домати и морков. Откако спанаќот ќе се издинста се рендаат 2 варени јајца. Дополнително, направете салата од цвекло, морков и зелка.

Вечера – 1 варено јајце со 1-2 лажички немрсна павлака, маслиново масло и младо кромитче се мешаат. Дополнително, направете салата од домати, марула и младо кромитче.

Трет ден.

Третиот ден се базира само на овошје и зеленчук. Овошјето се јаде во претпладневните часови, а салатата е разновидна. Може да се напиете и ацедофилен јогурт.

Четври ден.

Ручек – Вариво од зеленчуци, по можност брокула, карфиол, кељ и прокељ се динстаат со маслиново масло и малку сол. Потоа се додаваат 3 изрендани варени јајца и 1 до 2 лажички немрсна павлака.

Дополнително, салатата направете ја од марула, младо кромитче и маслинки.

Вечера – 1 варено јајце, кромид и краставица.

Петти ден.

Ручек – Издинстана коприва или штавеј со маслиново масло се мешаат со 3 варени јајца, кромид и 3 домати. Може да се напиете и една чаша ацедофилен јогурт.

Салатата направете ја од цвекло, целер и морков.

Вечера – 1 јајце, марула, немрсна павлака, кромид, ацедофилен јогурт.

Шести ден.

Шестиот ден е ист како и третиот ден, само на овошје и зеленчук.