Бејли: Поддршката за членството во НАТО зависи од спроведувањето на Договорот од Пржино

0
311

„САД силно го поддржуваат членството на Македонија во НАТО и фрустрирани сме поради фактот што овој процес не е забрзан. Тоа е назавршена работа во долгогодишните напори со нашите сојузници и партнери за една целосна, слободна и мирна Европа“, истакна амбасадорот на САД во Македонија, Џес Бејли, на одбележување на Денот на НАТО, организиран од Евроатлантскиот совет на Македонија и од Министерството за одбрана во Домот на АРМ, пренесува „Мета“.

– Земјите членки мора да ги спроведат реформите во изборниот процес, отчетноста, владеење на правото и демократските слободи. Веродостојни услови, работата на специјалниот обвинител, медиумските реформи и други области заедно испраќаат стратешка порака до идните партнери во НАТО околу вашата посветеност кон вредностите на северно-атланската повелба. Половични мерки испраќаат спротивна порака, што може да резултира во ерозија на поддршката – истакна Бејли.